TE TANGI A TAMAPAHORE

Kei Otitapu te pūmautanga o Te Rangihouhiri

I whakawānangatia ai ē Tama
Ko koe tōku ariaritanga
Ko koe tōku ruruhau
Hoki ana koe ki te pā o Awanuiārangi
Tōmuri ana to titiro ki te one ō Waihi
Ki te rērenga o te toto ō Rongo
Ki te pūkenga o te mata ō Rongo
Waiho mā Rongomainohorangi
hei titi i te pou whakairo i te pou mata whaiariki o Tū
Takahia atu ana ē Awa te ara o tōna mātua
I whakahirahira ai te kuia nei a Mahanga-i-te-Rangi
Ko Awa, ko Rongo, ko Rongo, ko Tama, ko Uru
Ko koe rā hei whawhati i te parihau o te Moana i tau ai te waka o Tamatea
Mimiti ana te tai, he tira, he tira, he tauā whāno, whāno
E ko Kahukura te manu whakawā i te mate
Waihō ake au i muri nei
TĒ titi ai aku niho ki te toka tipua o Pou-Matapu
Kua eke tāua ki Moehau ki a Tutāwhiti
I kato ai i te pungarehu o te ahi a Tamatekapua tangata o Te Arawa
I tau tiritia ai e ia te mata o te hoe o Waimihia
Hoki ki te Mānuka Tūtahi kia Hika e moe mai ra i te rua o Muriwai
Ūnga o te waka, pō Wairaka i raru ai e!